為免以上個案再度出現，A1w：d今日就同大家講下假設真係唔小心遇到裝修爛尾，點樣有效保護自己嘅權益。可能好多朋友都覺得消費糾紛要向消委會投訴，其實並唔係。關於裝修嘅大糾紛甚至係爛尾樓係要向海關投訴㗎。香港海關係會跟進一啲嚴重糾紛嘅，另外仲要睇番個case係咪涉及詐騙嘅情況，譬如戶主已經俾咗9成錢，但係工程只係做咗兩三成，合理懷疑呢間裝修公司係有呃錢嘅傾向，如果牽涉到詐騙，戶主係有需要報警㗎，警方會考慮以民事或者刑事去起訴裝修公司，包括由法院做訴訟，即係會請律師會打官司。如果追討金額唔超過七萬五，事主係可以用自辯嘅方式去小額錢債庭去處理，另外都要睇下裝修合約，有冇寫明仲裁條款，如果有寫可以用仲裁方式解決，不過進行任何司法方式都好，其實戶主都需要搵一間公證行去裝修單位睇過，搵公證行主要係要睇下現場施工嘅比率有幾多，大概需要追討嘅金額有幾多，係需要公證行寫一份公證報告去處理㗎。