工業風辦公室，入型入格

如果你作為老細，想見到自己嘅員工enjoy每日嘅工作環境，心情舒暢從而提高工作效率，有咩好方法？不妨從改變辦公室裝修格局開始，員工擺脫沉悶嘅辦公氛圍，自然就會好似子華神話齋，“我真係好似鐘意番工㗎！”咁點做會先可以達到好嘅效果？a1w:d就帶大家感受一下工業風點樣令到辦公室化沉悶為有趣。

大家都知道，傳統嘅office都係單調嘅燈光，一成不變嘅辦公台間隔，咁就先從擊碎間隔開始。層層間隔，封閉天花板設計，令到大家喺視覺上同行動上都會受到限制咁，而工業風其中一個最具個性嘅指標就係將源自廚房設計嘅開放式融入工作環境，打破傳統框框，令到原本為咗壓低成本而簡化嘅天花板同間隔位置，為工作過程注入自由同創意空間。睇落去好似唔加裝飾嘅天花板，告別傳統硅酸鈣板封頂嘅沉重，令到高度得以解放。簡單而且開放嘅間隔，令到office嘅空氣自由飄移，輕鬆氛圍肆意流淌，office添上咗色彩同生氣，當然會增加員工嘅積極性喇。

大部分辦公室都容易俾人一種一成不變嘅印象，空間緊密，甚至俾人一種壓抑嘅感覺，工業風主張嘅裝修理念就好大唔同，裸露嘅管線，鋼筋，磚頭，水泥，呢幾種元素已經成為工業風嘅指標，將工業風強烈嘅特色顯得淋漓盡致，同辦公環境結合之後，除咗增加辦公室嘅個性，令到辦公環境唔再咁單調乏味之餘，更重要係令到員工喺無拘束嘅空間氛圍下工作，增加佢哋嘅工作積極性。

除咗空間感之外，辦公環境嘅檯凳傢私都係構成工業風裝修風格好重要嘅一環，耐磨性強而且實用性高嘅木質傢私，搭配金屬框架構成嘅座椅。加上有防撞鐵造燈罩嘅復古礦燈，令到工業風格好突出。又或者係用鐵櫃，經典牛皮梳化，都可以還原原始工業風嘅樣貌。

如果你嘅公司係新型科技公司，或者主打新興技術同風格嘅創業型公司，LOFT工業風你一定唔可以錯過。舊廠工業風crossover新世代科技，營造出一種反差嘅美感。

以網絡公司為例子，我哋就分幾個方面睇下點樣可以令佢通過工業風裝修風格彰顯品牌價值。

網域交織

網絡辦公空間作為主體，運用粗細、材質各異嘅材料，隱喻多層次嘅頻率變化，行程網絡傳輸路徑，詮釋人與人之間藉由網絡交流，交織出新世代嘅訊息廣泛傳播，包括廣告媒體、海內外通訊、知識分享等。

公私連結

木材同玻璃的規律錯落有序，區分工作同休憩空間嘅使用方式，通透明亮若隱若現，同時代表咗網絡世代人與人之間嘅溝通方式，公開嘅同時都會某程度上帶有私隱性。會議室同宴客廳，以墻身色彩劃分出空間語言嘅差異，同時巧妙放置工業風傢私，皮革椅、矮木檯，可以零訪客或者員工喺呢度放鬆、盡情交流。多人會議檯嘅設置，配上拉動式嘅大白板，令會議空間不再受限，創意無限延伸，公司員工隨時可進行brainstorming腦力激盪，將新世代嘅創意喺一個嶄新環境下得到自由揮灑。

空間流動及延伸

將會議室同小型洽談空間設置為開放形式，兩邊往中間的嘅拉門隔間設計，令到員工平時都可以擁有較寬闊嘅空間視野，同時兼具會議室需要嘅私隱性。運用灰色系玻璃及烤漆材質作為隔間以及局部壁貼裝飾主題牆面，使得偏向理性風格嘅辦公空間增添帶有趣味性質嘅一面。將錯置嘅線性網絡概念元素，藉由空間尺度表現手法，延續至辦公動線上嘅燈光配置及隔間設計，營造出開闊、明亮嘅工作空間。

X形式的造型書架，亦同時呼應呢個辦公空間同網絡屬性呢個緊密嘅關係，提供人群匯集交流最佳的網路平台，以及提供職員交集的良好辦公場域。

a1w:d 對於工業風設計頗有心得，一篇文章又點會介紹得曬，嚟緊除咗會介紹工業風設計風格之外，仲有更加多時下流行嘅設計元素同裝修風格，記得唔好錯過我哋嘅update喇，如果你有裝修需求都歡迎WhatsApp我哋，6628 4865，一齊交流心得，我哋都會竭盡所能為你提供最專業嘅意見同最到位嘅服務。